பெண்களின் அதிகாரமளித்தல் வெறும் கருத்தரங்க மேடைகளில் மட்டுமே நிற்கக் கூடாது; அது பொருளாதாரப் பங்கேற்பு, தலைமைத்துவம், முடிவெடுக்கும் அதிகாரமாக மாற வேண்டும் என பினாங்கு முதல்வர் சோ கோன் இயோ வலியுறுத்தினார்.
உலக மகளிர் பொருளாதார, வணிக உச்சிமாநாடு 2026 (WWEBS 2026) நிகழ்வில் உரையாற்றிய அவர், மலேசியாவின் பொருளாதார வளர்ச்சியில் பெண்கள் ஏற்கனவே முக்கிய பங்காற்றி வருவதாகவும், எதிர்கால பொருளாதாரத்தை வடிவமைக்கும் சக்தியாக அவர்கள் உருவெடுத்து வருவதாகவும் தெரிவித்தார்.
மலேசியாவில் பெண்களின் தொழிலாளர் பங்கேற்பு விகிதம் தற்போது 56.5 விழுக்காடாக உயர்ந்துள்ளதுடன், நாடு முழுவதும் சுமார் 242,000 சிறு, குறுந்தொழில் நிறுவனங்களைப் பெண்கள் வழிநடத்தி வருவதாகவும் அவர் குறிப்பிட்டார்.
