கே. சங்கவி
முன்னாள் இயற்கை வளங்கள் மற்றும் சுற்றுச்சூழல் அமைச்சர் நிக் நஸ்மி நிக் அஹ்மத் சிலாங்கூர் இஸ்லாமிய மத விவகாரங்கள் திணைக்களத்தால் (JAIS) தடுத்து வைக்கப்பட்ட இரு நபர்களில் தானும் ஒருவர் என்பதை உறுதிப்படுத்தினார்.
இன்று இன்ஸ்டாகிராம் வழியாக பதிவேற்றப்பட்ட ஒரு அறிக்கையில், தற்போது பெர்சாமா கட்சியை வழிநடத்தும் முன்னாள் பிகேஆர் துணைத் தலைவர், கோலாலம்பூர், பிரிக்ஃபீல்ட்ஸில் உள்ள ஒரு ஸ்டுடியோவில் தானும் தனது நண்பர்களும் கலந்துரையாடிக் கொண்டிருந்தபோது இந்தச் சம்பவம் நிகழ்ந்ததாகக் கூறினார்.
பின்னர் அவர்கள், விவாதிக்கப்பட்டு வரும் திட்டம் தொடர்பான சில ஆவணங்களைப் பார்வையிடுவதற்காக, பெட்டாலிங் ஜெயாவில் கலந்துரையாடலைத் தொடர முடிவு செய்தனர்.
JAIS அதிகாரிகள் அங்கு வந்தபோது, அவரும் அவருடன் தடுத்து வைக்கப்பட்டிருந்த பெண்ணும் மட்டுமே அந்த இடத்தில் இருந்ததாக அவர் கூறினார்.
அது ஒரு தவறு என்பதை நான் ஒப்புக்கொள்கிறேன். நான் JAIS காவலர்களுக்கும் தெரிவித்தபடி, நாங்கள் நிச்சயமாக சந்தேகத்தை எழுப்பும் எந்தவிதமான அநாகரிகமான செயலையும் செய்யவில்லை,” என்று அவர் கூறினார்.
இந்தப் பிரச்சினையை மேலும் நீட்டிக்க விரும்பவில்லை என்று தன்னுடைய விளக்கத்தை தெரியப்படுத்தியுள்ளார்.
